Хкатзава ч1ередикай,
Шумуд йисан мягькем тир къван.
Хьран к1валин руьхъведикай,
Заманайрин, асиррин ван.
Чк1изва чи рагар, кьвалар,
Бубайрин чи ужах квахьиз.
К1амарикай хьанва хвалар,
Дамаррай хьиз, яд авахьиз.
Тазавилин къекъвей рекьер,
Къван къванцилай алатнава.
Чи бубаяр къекъвей гелер,
Лап диберай акъатнава.
Малайикриз и уьлкведай,
Хабар кьадай кас жагъидач.
Шагьвар хьана рик1 къвекъведай,
А руьгьер мад гьич рекьидач.
Ч1ерехрикай т1уьк1вей бустан,
Ава битав циф гумада.
Баят хьана фейи макан,
Гьи девиррин хъиткьер ят1а?
Гьин девирдин хъиткьер ят1а
© Copyright: Назиль Махмуд 76, 2017
Свидетельство о публикации №117072205689
Свидетельство о публикации №117072205689
Рецензии