Гьи дагъларин шагь ят1а вун!?
Гьи уьлкведин ч1ехи пачагь!
Я тахьайт1а "лекь" яни вун!?
Михьи рик1е хуьзвай Аллагь.
Вун чуьллерин шив ят1а лагь!?
Гапур гъиле гваз къвекъвезвай.
Я тахьайт1а сир яни лагь,
Багьна ийиз, ван текъвезвай.
На лагь гила мугьман къвезвай,
Тавхана хьиз дамах кьуна,
Гьи дуьзенрай ваз аквазвай?
Цуьквед к1анп1ур гуьзгуьд кьуна.
Гару ягъай лепе туна,
Акьуначни? ваз ван физвай!
Рик1е агъур къван на туна,
Лагьанач на жаваб чизвай.
Азадвилин пайдах кьазвай,
Игит яни, алахьиз каф.
Я тахьайт1а, ч1ун ат1анвай,
Са вил авай, яни вун саф?
Ирид цавар(и)лай къвайи марф
Авахьда ам сафинай хьиз.
Ин дуньядин хабарар, гаф
Чилиз фида гьа марф хьтин.
Дердер амаз амукьда чун,
Къулугъчийрин лук1ар хьтин.
Я сад Аллагь, куьз я рахун?
"Кесиб кана, агажур чин".
Гьин дагъларин шагь ят1а вун!?
© Copyright: Назиль Махмуд 76, 2017
Свидетельство о публикации №117071205565
Свидетельство о публикации №117071205565
Рецензии