"Сюемусан сен мени"- деп сорав берсенг,
Бир сёз айтмай эринлеринг оьбермен.
Гёзьяшларынг йыртыллатып иржайсанг сен,
Шо мюгьлетде насибимни гёрермен.
Къайда къалды ёлугъагъан гюнлерибиз,
Язбаш бизге шавлаларын чачагъан.
Ёлугъувгъа гюзгю бойда тюрленебиз,
Ачгъычыдай гьашыкъ сесни ачагъан.
Уьйленмейлин экибизде оьмюр гете,
Сююв отлар къабунса да юрекге.
Сюювюбюз чечекленмей зая оьте,
Бавда оьсген емиши ёкъ терекдей.
Сююв отлар
© Copyright: Адилгерей Минатуллаев, 2017
Свидетельство о публикации №117070305223
Свидетельство о публикации №117070305223
Рецензии