Язбаш етсе къабуна сююв гьислер,
Тек тунукъ гюз гьашыкъ сесни пуршаву.
Гюнеш бизге шавлалай тюрлю тюслер,
Къара булут четим этген яшавум.
Тюрлю ойлар толкъунудай денгизни,
Енгил энни гёзьяш болуп акъгъан сонг.
Гёз алдымдан таймай юзю шо къызны,
Юрегимни эшигине къакъгъан сонг.
Яшыл отлар гёзеллиги майданны,
Жайран эте татывудай сюювню.
Янгыз юрек агьлюсюдюр ойтанны,
Сав оьмюрге ярасыдыр гюювню.
Язбаш етсе
© Copyright: Адилгерей Минатуллаев, 2017
Свидетельство о публикации №117070304915
Свидетельство о публикации №117070304915
Рецензии