Янгыз энни мен оьзюмню излеймен,
Арасындан биз оьтгерген йылланы.
Ойларыма гюз гирсе де гёзлеймен,
Янгыз сагъа чечме сююп сырларым.
Умутларым оьмюрлюкге сёндюрюп,
Оьзге бавда чечекленме къарайсан.
Пашманлыкъны юрегиме тувдуруп,
Оьзгесине чачларынгны тарайсан.
Яшав энни агъымыдай оьзенни,
Алгъасады айырмагъа яшлыкъдан.
Оьмюрлюкге тас этгенде гёзелни,
Юрегиме сувукъ етди къышлыкъдан.
Къысмат энни бизге булай иржайгъан,
Бирлешмеге къоймай бизин къолланы.
Умутланы пашман ойлар къуршагъан,
Гёрсетгенде бизге тюрлю ёлланы.
Излеймен
© Copyright: Адилгерей Минатуллаев, 2017
Свидетельство о публикации №117070304802
Свидетельство о публикации №117070304802
Рецензии
Проникают в душу.Очень красивые слова.С уважением Гуля
Гуля Минатулаева 03.07.2017 13:18 • Заявить о нарушении
Гуля Минатулаева 03.07.2017 13:18 • Заявить о нарушении