Мархаш

Бутт гучбаьлар,марх д1адаьлар
Г1айг1а т1аера,г1айг1а д1аяьлар
Нах ба г1аттий топаш кхувсаш
Болаш санна шоайле къувсаш


Хьаьраг1а хургва марх ца кхаьбар
Сатем байна ц1айга хьежаш ваьг1ар
Дикаг1а долчох дизза шунаш
Даа йиш яц, б1архьежа даьд гувнаш

Хьалха йовлакхаш,х1анз пазаташ
Керд юкъе даьнна 1адаташ
Къеча нах цар леладер зув
Шоай къелага хьаже бола картах г1ув

Кагийча нахах дар кхыдола дувцар
Мехкарий болча баха хозаг1а дувхар
Харжа ца могаш  бутт д1абоал
Т1аккха царцига баг1аш кхо ди доал

Йо1 а я ший везачунга хьежаш
Кечъенна,сатем байна лелаш
Укх деношка цунна в1алла новкъале яц
Хьаьшага х1ама ала хьа йиш яц

Т1ормигаш бе дохка дашац бераш
Б1араш,саьг1азаш  дац эшараш
Вахаш вацар шоана ца бийттача м1арг
Е к1езиг-дукха, т1оадабаь саьрг

Духьашшха дар из хоза ц1ай
1а цох туржа1 дир,ва,Даьла лай
Шар1о аьннача тайпара из дезде
Наха дезаргда,хургда из эзди

Мархаш вай Дала къоабал долда
Дикаг1а хила вайна низ лолба
Цу т1а дерзаду аз сай къамаьл
Къа к1езиг1а хилда,дукхаг1а маьл

(Тембенаькъан Мусай Мухьаммад, 24-аьтинг бутт 2017 шу)