Квадарна чlал, ери-бине гьич манкъуртрин тай тежен чун,
Гаф сад хьана хуьн чи чилер - душманд къула цlай тежен чун,
Хел-хел хьана жуьрба-жуьре бед кlеретlиз пай тежен чун,
Лезгивал жен чи капl, чи дин, Кьулан вацl - Кябе!
Рагъ себеб яз квахьна фидай живедаллай гел тежен чун,
Вилив хуьзвай жанавурри суьруьдик квай кlел тежен чун,
Рикlив кьуна куьлуь-шуьлуь къе сад садав хъел тежен чун,
Лезгивал жен чи капl, чи дин, Кьулан вацl - Кябе!
Рикlераваз къастар кleви гьич садрани буш тежен чун,
Хам дегишдай мидяйриз чи са чlавузни хуш тежен чун,
Лекьер ятlа хайи мука, валлагь, маса къуш тежен чун,
Лезгивал жен чи капl, чи дин, Кьулан вацl - Кябе!
Март, 2015
Жен-тежен
© Copyright: Вадим Адилов, 2017
Свидетельство о публикации №117061202395
Свидетельство о публикации №117061202395
Рецензии