Малайик яз, лиф хьиз лацу,
Лув гудай за шаддаказ рик1.
Ашкъидалди , багъда къацу,
Манидалди кьуьл ийиз гьик1.
Хажалатар чидачир заз,
Рик1е гзаф кьадачир ван.
Кьиле ч1уру фикир такьаз,
Гудай вуна вирдаз рик1, чан.
Яваш-яваш чанда гьатна,
Гъвеч1и - ч1ехи, дердер къалин.
Лув гузавай ругь аватна,
Гьатна гила, к1еве четин.
Уьмуьрдикай хабар хьана,
Рик1икай са пеш хьайиди.
Фикирри лап жигер кана,
Кьилин ч1арар, рехи хьайди
Гьа гьик1 йисар фейи вахтар,
Рик1ел хкиз, алахъна вун.
Рик1ин дер-дер, шумуд къатар,
Гуваз фида са садди чун.
7 июнь 2015 г.
Хажалатар чидачир заз
© Copyright: Назиль Махмуд 76, 2017
Свидетельство о публикации №117060802333
Свидетельство о публикации №117060802333
Рецензии