Билбил хьана вун рахада,
Зун ашукь яз вахъ ягъада,
Сивел мили хъвер къугъвада,
Яраб хиял ви вуч ят1а?
Вилер хъуьрез, рик1 зи ишез,
Са гаф ваз гьич лугьуз тежез,
За ашкъидин гьиссер эч1ез,
Бес мез лал хьун вуч гуж ят1а?
Хуш хьанва заз ви ширин сес,
Ви къаматни акьван серес,
Кьуразва хьи,руш, зи нефес,
Вун ч1иж хьана, зун хуз ят1а?
Эгер зи рик1 тирт1а ктаб,
К1елдайт1а ц1ун мурцар яраб?
Эхиз дердер, гузавай таб,
Зун мармардин са к1ус ят1а?
Алцурариз на аял хьиз,
К1ани патахъ мад ч1алав гъиз,
Заз дерт туна бед завал хьиз,
Зун жив авай Шалбуз ят1а?!
Са билбил рушаз
© Copyright: Нажмудин Шихнабиев 2, 2017
Свидетельство о публикации №117052005379
Свидетельство о публикации №117052005379
Рецензии