Вуч гуьзел я и югъ къешенг,
Шад умудри язава зенг-
Гележегни хьурай куь генг,
Куь гъилева сирлу куьлег.
Эхиримжи мектебдин зенг-
Сефилвал квай шадвал я им.
Къе тарсарин акъвазрин женг,
Гурлу ийин шадвилин ким.
Гъалаба квай жегьил рик1ер,
Къизгъин я ц1ай гьиссерин.
Хиялрава пакад рекьер,
Кьисмет хьайи мад вишериз.
Айрутмиш жез хьанва гьазур,
Хайи мектеб ва аялар.
Тербияни чирвал къачур
Муаллимрин пак хиялар.
Лув це гила , жегьил картар,
Къалуз рик1ин мерд къенивал.
Рик1еваз мектебни дустар,
Гьала девран квез к1анивал.
Мубарак хьуй квез и сувар,
Гуьзел рушар, чагъ гадаяр.
Дурумлу хьуй рик1ин къастар,
Пакад йикъан чи архаяр.
Эхиримжи зенг
© Copyright: Нажмудин Шихнабиев 2, 2017
Свидетельство о публикации №117051708520
Свидетельство о публикации №117051708520
Рецензии