Сигур магъыр,синэхэр мэгуф1э.
Къозмыгъащ1э сэ си лъагъуныгъэр
Щ1ы1эм сесыр уи1эр сымы1ыгъым.
Уинэф1ыц1эрщ сэ си гурыф1ыгьуэр
Узмылъагьум махуэдахэр пшагъуэщ
Сыпхуэмызэм дыгъэр къысхуемыпс.
Ди насыпыр дэ зэпамыщ1ами.
Ди гъуэгит1ыр зыуэ дэ хэтшынщ.
Нап1эр иходзыхыр услъэгъуамэ.
Сипсэм къысхуимыдэ,сигур поху.
Уи фэеплъу си1эркъым сэ зыри.
Си гурыщ1э т1эк1ури с1эпоху.
Дэнэ щы1э уэ уи лъагъуныгъэр?
Дэнэ щ1ып1э зыкъуигъэпщк1уэжа?
Ф1ыуэ узолъагъур сэ къызже1и.
Дунейм теткъым сэ къысхуомыщ1а.
Сигур мыгъуу синэхэр гъэгуф1э.
Си1эр къащти,сипсэр гъэпсэхуж.
Сыту гуащ1э мы си лъагъуныгъэр.
Сищхьэм ик1и пащхьэм къихутэж.
Уи гукъеуэр си гукъеуэм тохуэ.
Нап1эр зэтесп1амэ нэгум щ1этщ.
Сипсэм хуэдэу ф1ыуэ услъэгъуащи
Си гупщысэр уэ удеж къимык1...
Си псэ
© Copyright: Лиана Этуева 2, 2017
Свидетельство о публикации №117051305599
Свидетельство о публикации №117051305599
Рецензии