Гатфар кьиле,гьатна рикlе ашкъид цlукl,
Ашукь хьана са цуькедал-чепелукь.
Цуьк,акатна гатфарин хуш эсердик,
Кутуна пай чепелукьдин гьиссерик.
Мугьуббатдин къужахда шад ва хуррам,
Галатиз тир абрун уьмуьр,хуш аям.
Къведай фад-фад цуькед патав,чепелукь,
Кlанибурин рикlер куз тир севгид цlуг.
Куьтягь хьана гатфарни гад,атана-
Багъларин рак серт къаяри гатана.
Цlара яна,шуьтlкьуьнна цуьк,авахьна,
Са легьзеда цlуькl хьана ам,квахьна.
Нупадин са гуьруьшдин мад вахт хьана,
Чепелукьдив вичин кlанид жагъанач.
Къвекъвена ам,пара челек-фелекна,
Къакъатунин гъамуни ам телефна...
...Куьруь ятlан-вуч хъсанни уьмуьр я...
Кьиникь...чида заз...аллагьдин эмир я...
Пехил я зун чепелукьдал,бахтавар-
Кьисмет хьанач адаз уьмуьр-яр тахьай.
***
© Copyright: Намик Фарзалиев, 2017
Свидетельство о публикации №117050811497
Свидетельство о публикации №117050811497
Рецензии