Гьинва вун,лагь,шаир дуст,зи,
Фаданлай ви ван хъигьизмач.
Галатнани къелем,хци-
Саф ашкъидкай цlар кхьизмач.
Аям я ви чlал тахкуна,
Гьатнава зи рикl хьафуна.
Белки жеди,ви гафуна-
Чи таватриз кар хъийизмач?
Белки акьазмач булахрал?
Кьил чlугазмач на яйлахрал?
Вил вегьейтlан буй-бухахрал,
Къуьнел севгид пар вегьизмач?
Гьикl хьана накь акур суна,
Теснифзавач ам чаз вуна?
Кьуьзуьвилер хиве кьуна,
На гьиссериз вар ийизмач.
Ийер са руш акваз,иви-
Ргадай ви,къугъвадай вил.
Чlалахъ туш хьи,зун,ви гевил-
Мугьуббатди тlар хъийизмач.
Я чан шаир,вуч я и гьал-
Хъийизмач на севгидин чlал?
Белки ятlа-халу лагьай,
Руша ваз мад чар кхьизмач?
Са руша заз халу лагана... Шагьмардан Арран Ваз ди
© Copyright: Намик Фарзалиев, 2017
Свидетельство о публикации №117050704844
Свидетельство о публикации №117050704844
Рецензии