Урхьницад хьуланачил
Цlумбухъун гlянцlси аги,
Тяп муръаван марайси
Бакlиб цlудара дуги.
Къябудар, мицlирбирар
Уркlилизиб ил аги,
Диркахъули чумилра
Хlяйчи дила хlял-аги.
Бячунсиван билзан чарх
Айгъиртала илхъили...
Кьакьаварибсиванра
Кьацlдикlули мирхъили.
Ну декlли зягlиплира
Чехlериадли рахъхlи,
Дуги-хlери дуцили,
Гьархlедикlур Бац-Бархlи.
Хlечицун хlясратлира
Ну дунъя хъумартурли,
Урцулра чинавалра
Ну пикрумала турли.
Яра - хlерхулрав хlечи?
Сен васвасъай каршулра?
Хlу мякьлар чераайчи,
Ну мехlурван вашулра.
Белчlи дила гьар суайс
Хlела хlулбазир жаваб,
Илдазирад кlел берхlи
Мурталра гьардикlур наб.
Жургъбикlуси бекlличил,
Уркlиличил - рурхъуси,
Каркус ну дукла хlела
Гьар биркlайчил булхъуси.
Бургъуси урхьугъунти
Хьулана кягlилра ну,
Дила уркlила аргъри
Чумал дус гьар бархlи хlу.
Свидетельство о публикации №117050606778