Кьуьзуьвилиз ава вичин гуьрчегвал,
Гьар са яшдихъ вичин дадлу дад ава.
Рехи ч1арц1из язухъ къведач, жегьилвал,
Гьар инсандиз вичин тир эхир ава.
Йис йисандав рик1 куда чи балайрихъ,
Фикирди чун кьуна жеда гьарма сад.
Яб гудайбур гзаф хьурай бубайрихъ,
Бахтлу хьурай гьахьтин бала, гена мад.
Ч1ехибуруз ая куьне, лап гьуьрмет,
Намус авай инсан хьана к1анда хьи.
Квадар мийир гьар - сада, жуван къимет,
Хъуй инсанар, гзаф хьурай рик1 михьи.
Диде - бубад рик1 шадар авур велед,
Жегьннетдин паярив агакьда вири.
Амма, ама я хьи гьар садан кьисмет,
Вирибуруг жедач гьак1а, рик1 чими.
2015г.
Ч1ехибуруз ая гьурмет
© Copyright: Назиль Махмуд 76, 2017
Свидетельство о публикации №117042503576
Свидетельство о публикации №117042503576
Рецензии