Сад йигъан узухьна хъубкьнийи кагъаз,
Ватан уьбхюз душну айи вахтари.
Хиял шуйи, уццру дапIнайганси кIваз,
Гъатху кагъзин жандак рябкъру гьялари.
Конверт тIапIну, кагъаз адабгъган бизар,
Фуж эйси вуш дидин гъабхьунзуз ашкар.
Таниш вуйзуз кагъзиъ ай назук цIарар,
Жандиъ гьисс тIапIнайган увуз гъидикIдар.
Гьаз-вуш кагъзи увкан гъапIганси гиран,
Хъадабкну чав, кьялякъ дуфна узухьна.
Йиз цIа кай кIван хиялар мюгьюббатнан,
Рукьуз гъабхьундар кагъзихьан яв кIвахьна.
Ярхла рякъди хъубкьу кагъаз
© Copyright: Гюльмагомед Расулов, 2017
Свидетельство о публикации №117042311539
Свидетельство о публикации №117042311539
Рецензии