Убгурайиз, убхьурайиз юкIв йицну.
ДапIнайиз кIул деллу сикинсуз вахтну.
Шлиз лазим ву, йип, йиз дюн’я илбицну,
Читинвалиъ ипуз халкь, дубхьнай адлу?
Харживалкан ужвал дубхьна му уьмри,
Вафалувална гьякьвал зат имдарди.
Жикъиб ву уьмур, лавлан гъудгнин вахтси,
Кьюрдун йигъан ригъси, ухди хъабццури.
Ил гьубкIрадар инсанариз дюн’яйиъ,
К1ваз гъагъиди, мухриин гъван алиси.
Фу вуш аьгъдар - я ккунивал, я дуствал,
Имдар халкьдин машариъ зат разивал.
Фициб шулхъа яшайиш закур нежбрин,
Гъачгъари касиб дапIнайи ватандиъ?
Лик иливну, дачархьна кьалу батIриъ,
Касиб халкьдин, ачухъ хиялар уьмрин.
Зяиф духьна кIажар аьмлюхъин гьарин,
Алахьура жилин назук мухриин...
Фици шул юкIв сикин му йиз халкьварин,
Алахьруган дердерна гъамар кIваин!?
Читин дубхьна уьмур
© Copyright: Гюльмагомед Расулов, 2017
Свидетельство о публикации №117042310108
Свидетельство о публикации №117042310108
Рецензии