Гьейран хьана гзаф касар-
Теснифна вун пара,билбил.
Ваз чlал лугьун туш зи къастар,
Зи дерди я чара,билбил.
Вуч гьалар я вун,хванаха,
Чи чуьллерин ийер суна?
Вун,и цуькед женнет туна,
Вучиз ава тара,билбил?
Ийер кьван вуч я ви гьалун,
А хураллай хъипи халун?
Яраб цlийи свас ятlа вун-
Вуч я и мензара,билбил?
Хкажа ван,лагь са мани,
Агакьрай зи ярдив,кlани.
Лагь,амазва багъдин кlане,
Гуьзетиз,фугъара,билбил.
Лагь,чугъулриз яб тагурай,
Чи икьрарар таб тахьурай.
Икьван заз азаб тагурай-
Атуз тахьуй ара,билбил.
Вучиз бес вун тек я,акъваз-
Туш вун жуван ярдихъ галаз?
Ая мелгьем,жезтlа,жуваз-
Заз мад амач чара,билбил.
Куьз я икlа суьгьуьл-заз лагь,
Ахъай жуван дерди,къалагь.
Заз зи дерд ахквазмач,валлагь,
Вун акваз бейчара,билбил.
Билбил
© Copyright: Намик Фарзалиев, 2017
Свидетельство о публикации №117042203798
Свидетельство о публикации №117042203798
Рецензии