Весенний пейзаж...

Хуьруьн мезре,къацу тала,
Векьер са чlиб кьакьан я.
Вичин ийер ни,тав галаз,
Аниз гатфар атанва.

Куьтягь хьанвач бегьемдаказ.
Адан атун,гьеле мад.
Давамиз я шикил чlугаз-
Куркачlдин тум гъилема.

Гьар са жуьре рангун цуькер.
Хъичинзава векьерал.
Алукlариз ийер пекер,
Тав гъьизава никlерал.

Векьерилай хкадариз,
Цlир-цlирзава цицlери.
Са цуькведлай масадал физ,
Темен гуз я,чlижери.

Къацу,ругъу рангарин къиб,
Тапасрал тик акъвазна-
Хкадариз гьазур я чеб,
Вилер цавун къавазна.

Векьин къене-килигайла,
Акваз,чlулав зварар,я.
Кьифре эгъвей жигъирар я-
Ракъун рекьиз ухшар я.

Кьиф вич винел акъатнава,
Виливни хуьз я-теквен.
Чандик зурзун акатнава,
Акваз чилел-катран хъен.

Инал-анал,чlулав туп хьиз,
Хара накьвар,руквар я.
Дикъет гайи,мукьувди физ,
Вагь-цlекlверин мукар я.

Кьуд пад тирвал катиз цlекlвер,
Бенд я суьрсет кlватlунал.
Цицlер амма,экъвез цуькер,
Кефер авун къастунал.

Хкведайкай,зул-туш хабар,
Цицlре ам гьич фикирдач.
Амач хьана чими тир къар,
Куьтягь жеда эхирда.

Тlебиат я са чlугухъан,
Вичиз,лугьур гаф авай.
Акъуддайд я дугъри,тапан-
Кьечlиз,вичин сафунай.