Мая маленькая радзіма,
Ты занядужыла зусім.
Платы схіліліся старыя,
І хаты ў зямлю ўраслі.
Людзей паменела ў вёсцы,
Пустых хацін - наадварот.
І дзетак «бусел не прыносіць»,
Старэе вёска з году ў год.
Рачулка значна абмялела,
Зраслі кустамі берагі,
А ўлетку можна, нават, смела
Уброд перайсці на бок другі.
Між хат пустых гняздо старое
Аблюбавалі зноў буслы.
Раней пад хісткаю лазою
Арэлі нашы тут былі.
А зараз моладзі не бачна,
Вясёлы гоман не чуваць.
Няма дзяцей, а гэта значыць,
Што цяжка вёсцы дажываць.
Вунь сярод вёскі на пагорку
Сумуюць могілкі ў крыжах.
І ўсё часцей аднавяскоўцаў
Праводзяць у апошні шлях.
Роднай вёсцы
© Copyright: Татьяна Куцухо 2, 2017
Свидетельство о публикации №117041009964
Свидетельство о публикации №117041009964
Рецензии
