Акl я чаз,бубани диде гьамиша,
Амукьда чи патав-рекьидач абур.
Мецел къведач лугьуз:багъишламиша!
Са кlус тlимиларна чандай-такабур.
Базан гьараяриз,кlеви рахада,
Туькьуьлвал кутазни гафарик-жуван.
Фикирдач,хатадай кефияр хада,
Акьулдиз къведач са ихьтин югъ ава.
Де ша,къакъатунлай кьулухъ,пашманвал,
Гьатда чи рикlера-амма вуч хийир!?
А чlавуз са чан ваъ,виждан жеда-тар,
Квахьда а чlавуз,чи ийир-тийир.
Чаз акl я кефийриг абрун-хкlадач,
Вучиз лагьайтlа,чаз къалгьурдач хьи,гьич.
Вахтунда гъавурда чуни акьадач,
Аквадач-гевилдин вилер жеда,мичl.
Чка я,чка туш-кустагьваларда,
Гафунай акъатда-жув гьакь хьтин яз.
Амма гьалат тирди,чав геж агакьда,
Амукьда гъиляй затl техкъвез,куз-хъукьваз.
А виляй,дири яз,къайгъу герек я,
Къимет гун лазим я чаналаз,сагъ яз.
Кьиникьал-гзаф туш рехъ,са цlверекl я,
Чи уьмуьр чеб ухшар я-са куьруь къаз.
15.09.16
***
© Copyright: Намик Фарзалиев, 2017
Свидетельство о публикации №117040902800
Свидетельство о публикации №117040902800
Рецензии