Ша,илгьам,хкажа зи руьгь-садра мад,
Са ийер сунадиз за шиир кхьин.
Гевилда ргазвай байихар сад-сад,
Цlарариз дуьзмуьшна,за баянарин.
Завай маса жуьре лугьу жедач гаф,
А гьуьруь акурла,зи мез-сив кьада.
Шиирдив лугьуда жуван гьиссер-саф,
Белки икl гъавурда,ам зи,акьада.
Хъша зав,зи илгьам,вун са герени,
Ахпамаз эхирдал зав ахгат мийир.
Са тlимил хъуьтуьл жен,зи яр,белкени-
Зи патахъ килигда,кlелна зи шиир.
Шаирдиз герекди ругь я,гьевес я,
Амма заз тек садра хканда куьн мад.
Са шиир кихьгьиниз куьмека-бес я,
Хце,ашкъиливал,садра заз нубат
Хъел хьухь вун ахпани-зи вежинай туш,
Хьухь амай уьмуьр вун,захъ галаз-кикlиз.
Са жизви гьевес,заз хтурай-са кlус,
Тек са шиир хъулгьуз кlанзава-рикlиз.
Ахпа ктадаря зун,негьна вуна,
Чlугадач са кlусни за адан гьайиф.
Тек са шиирдин пай бахшиш хъувуна,
Хквемир зи патав,жуваз мад-югъ,йиф.
23.11.16
Ша, илгьам...
© Copyright: Намик Фарзалиев, 2017
Свидетельство о публикации №117040603773
Свидетельство о публикации №117040603773
Рецензии