Гатун са йиф-багъдин къен,
Нур гузава вацрани.
Зун кlунтlунал,са-векьин,
Ярх хьанва,чин цавална.
Ахъа жезва вилериз,
Ажеб ийер са пейзаж.
Цавун къава-гъетери,
Рапрапзава,зар храз.
Ийизвач зун,алахъни,
Гъед гьисабиз-сан авач!
Цав са дегьне я саки,
Чlулав дегьне-кlан авач.
Акъатна,зи хиялар,
Фенва яргъал маканриз.
Аламачир чилерал-
За лув ганвай къакъанриз.
Кьил ягъазвай гьуьлериз-
Байихрин,за-гур,дерин.
Бушлухравай,кьуьлериз,
Гъил-гъилеваз,перийрин.
...Чидач гьикьван хьанатlа,
Шумуд сят галатна.
Юзуриз тир кlунтl,сада,
Ван аршинлай алатна.
Фагьумна-зи паб тир им,
Чилелай заз эвердай:
"Вучзава на,я итим,-
Инал,йифен береда?"
Жагъанач зав,лугьуз гаф,
Амукьна пагь атана:
"Ийер я цав вуч гзаф,-
Сейриз кlанда,датlана".
Папан ахпан луькlуьнал,
Гьейран хьана пара-зун:
"Дапlар жеда рикинал-
Кlвализ хъша,астроном!"
25.10.16
зарафатдай
© Copyright: Намик Фарзалиев, 2017
Свидетельство о публикации №117040504593
Свидетельство о публикации №117040504593
Рецензии