Серт къайарин гуьгъуьналлаз къвезавай,
Ажеб гуьзел тир аям я,гатфарар.
"Яшайишдин тlям верци я,"-лугьузвай,
Са ишара,са айгьам я,гатфарар.
Суьгьуьр ятlа-чилин къеняй ргазвай?
Белки мах я-цавари чаз рахазвай?
Тебиатди-живед винел хразвай,
Гуьзел нехиш,ийер гам я,гатфарар.
Чир жедач хьи,вуч лагьай сирр ам ятlа,
Атунивди-ашкъид гьиссер агъвада.
Бахтари са цlийи уюн къугъвада-
Мугъуббатдин ширин гъам я,гатфарар.
Ашкъи гьатда чанари-ам алукьна,
Куда рикlер,севгидин цlуг-алугна,
Къацу рангун цlийи перем алукlна
Дамахзавай кlам я,тlам я-гатфарар.
Ам уьмуьрдин са вяде я-хуш,дигай,
Инсан шад я адал-рикlин сидкьидай.
Кlанибуриз мани лугьуз-ашкъидкай,
Са шаирдин руьгь,илгьам я,гатфарар.
Зазни хьана жегьилвал са вахтариз,
Зазни зи яр акунвайд я гатфариз...
Умудда за-яб гунихъ,зи гафариз,
Пашман туш-чи ашкъ тlарам я,гатфарар.
10.03.16
Гатфарар
© Copyright: Намик Фарзалиев, 2017
Свидетельство о публикации №117032509097
Свидетельство о публикации №117032509097
Рецензии