Гада:
Гатфари цуьк ахъайна,
Руьгь гана,рикl ахъайна.
Гьатна зун ви ашкъида-
Лугьун ваз гьикl,ахъайна?
Руш:
Аквазва заз дакlардай-
Алат вун чи ракlарлай.
Стхадиз чир хьайитlа-
Зи кlарабар кукlварда.
Гада:
Мугьуббатдин ялав я,
Рикl дердинай чlулав я.
За лугьуда стхадиз:
"Ахъай вахан жилав-на"
Руш:
Зи тlвар къамир,аман я,
Эллерин сив яман я.
Чир хух ваз-и кlвалах,зи
Дидедизни дакlан я.
Гада:
Гуьзетда са кьадар за-
Белки рекьиз атайтlа...
Тежез хьайтlа рази,ам-
Вун за,чан руш,катарда.
Руш:
Буш хиялар авуртlа-
Вун гьатдач зи гъавурда.
Ви дидеди лагьана-
Ваз маса свас жагъурда.
Гада:
Яруш,зи рикl тlар мийир-
Гьакlан багьнаяр мийир.
За дидедиз минетда:
"На зи ярдин кеф хамир".
Руш:
Вучда-лугьуз асант я,
Гьил къачу,вун хъсанд я.
Стха,диде багьна тир,
Зи гевилда-масад я.
13.01.16
***
© Copyright: Намик Фарзалиев, 2017
Свидетельство о публикации №117032508290
Свидетельство о публикации №117032508290
Рецензии