Ката-калтуг,челек-фелек,дуьньядин,
Гьакlни къалабулухар-заз герек туш.
Хкlанда заз а гъвечlи хуьр-бине зи,
Чи дагъларин лап асканни са кукlуш.
Аял вахтар,яргъал рекьер килигиз,
Къерех-патахъ акъатуз,заз кlан жедай.
Сиягьатдай шегьер,уьлке виликиз,
Зи хиялри-сергьят вучтlа течидай.
Акl жедай заз,къакъатунмаз дагъларкай,
Дуьнья жуван кlвачин кlаник чам жеда.
Чидачир хьи,Ватандилай яргъалай,
Вегьей гьар кам-рикl чуькьуьдай гъам жеда.
Фад акъатна фин тир мурад-рикlевай,
Чlехи алем акунрихъ тир,къарих,зун.
Чидачир кьван,эхи тежез рикlивай-
А зи гъвечlи дуьньядихъ жез,дарих,зун.
Яшар фена-аял чlавар цуькl хьана.
Гъурбат элда кутуна за жуван муг.
Гила гьатна гъавурда зун-цуьк хьана,
А кlунтlари акъатур зи гьар са югъ.
24.12.15
***
© Copyright: Намик Фарзалиев, 2017
Свидетельство о публикации №117032410057
Свидетельство о публикации №117032410057
Рецензии