Зи кефияр ачух я къе,
Пенжеридай -рагъ килигиз.
Вуна гайи цуьквер рекье,
Рик1ин къене гьатна к1евиз.
Мягьтел хьана амукьна зун,
На лугьузвай гафарал яр.
Рик1 къалуриз квахьзава вун, Ацукьзава гуьзетиз чар.
Ашукь тушни сад - садал чун,
Рик1ер ц1раз вил акьурла.
Сефил жезва к1аниди зун,
Чубарук хьиз вун такурла.
Ширин я заз ви масан ван,
Билбил хьиз вун рахадайла.
Яб гуда вахъ, зи ширин чан,
Чун сад садан патав хьайла.
Ви вилерин ишигъдин нур,
Чк1ана зи тандай агъуз.
А цуьквер на гъилера кьур,
Гьазур хьанва атир заз гуз.
Зи кефияр я къе ачух
© Copyright: Назиль Махмуд 76, 2017
Свидетельство о публикации №117031608051
Свидетельство о публикации №117031608051
Рецензии