Гатфар,ша на фад ая къе,
Чи патарихъ гьата рекье.
Аватlа жал ваз чакай хъел-
Ийизва чун жувахъ цlигел?
Ша,авагърай чlагай рикlер,
Ша,акъатрай чандин мекьер!
Ша,живерик кутур са шел,
Тебиатда ттур къацу гел.
Мад алукlа гуьллуь пекер,
Кьуна гъиле мулдин цуькер
Ша-зи руьгьдин ийер бике,
Ша,илгьамдин верци тике!
Хуьтягь жезва зулун бегьер-
Ша,зегьметрин сифте сегьер!
Ша, хкаж хьуй мад чи никер.
Мани лугьуз,хьурай нуькlер.
Ша,гатlумрай мад мел-мехъер,
Вун чи гьевес я,вун чи-хъвер!
Ша,дарихвал,жедач,тlекьей-
Ша,тахьурай ви рехъ-къекъвей!
Гатфар
© Copyright: Намик Фарзалиев, 2017
Свидетельство о публикации №117031503628
Свидетельство о публикации №117031503628
Рецензии