Гатфарихъ галаз сад къвезва куь сувар,
Чи азиз дидеяр,гьаялу сусар.
Чан чи хуш рикl авай эме-халаяр,
Бубайрин цуьк рушар,чи цуьк балаяр.
Чи рекье чанни гуз гьазур тир вахар,
Бадеяр!Рикlелла куь ширин махар!
Яран дидеяр -чи,къугъваз,назунал,
Кьелелай,виртlедлай верцlи балдузар.
Чи лезги чилерин саф дишегьлияр,
Хуьрера авайбур,шегьерэгьлияр.
Садни гъурбатравай чи дагъви рушар,
Садни-зун вилив хуьз,гуьзетзавай яр-
Кьуру гекъигун туш-я рикlин гафар:
Куьн я гьакъикъатан уьмуьрдин гатфар!
Квез и гатфарин югъ мубарак хьурай,
Куь чандиз,гъуцари,сагъвилер гурай!
Бахтлу уьмуьрар хьуй квез-яргъи яшар,
Бегьер гуй зегьметри-тефирай нашар!
***
© Copyright: Намик Фарзалиев, 2017
Свидетельство о публикации №117030803364
Свидетельство о публикации №117030803364
Рецензии