Контрастар...

Стол,компютер,
Жибиндин телефон...
Хъецик галайди-
Къаннисад лагьай век.
Килигиз куьчейриз,
Акъвазнава зун-
Дакlардин вилик.
Чими кlвал,чими тан-
Къай ква хъецик.
Амма хьи...гьакl ятlан
Секин туш зи рикl.
Гьамишан...сад-садаз
Ухшар тир къаркай
Дуьз ацlанва зун.
Гьавиляй,хиялрив агатна
Катдай къарардал
Атанва-стlун...
Убагьда аквазни,де ша вилериз
Са чара сегьне,
Легьзеда цикlизва.катзава
Хиялар-ингье...
   Гьейетдин са пата аялар,
Гъвечlи бицlекар-
Къугъваз я,
Метехъдини-жив.
Амач мад са къайгъу,
Чара кар,
Тlакьана,нер-сив...
   Ингье,са дишегьли-
Винел модадин
Багьалу шуба,
Къужахда адан
Кицl ава-бицlи.
Алукlна кьилелай кlвачелни,
Партал я,кицlин.
Вичин жип машиндин
Патав физ я ам.
Темен гуз я кицlиз-
Адан лап сивиз,
Кьаз тlарам-тlарам...
Бази дидейриз гьич
Хайи аялни икьван жеч,азиз...
   Са тlимил яргъаз-
Парудин кlане,
Квудна чене,
Ава-маса кицl,
Хьанани кьве къат,
Мекьилай зурзаз.
Ийесиз тирди
Чир жезва гьасят...
   Мадни анихъди,
Кlвалин къаншардив-
Зибилдин бакар...
Чуьруьд кьунвай итим,
Садни-дишегьли,
Кьулан яшарин...
Кьведани винелни-
Жир-жиндир пекер.
Кlевелай машгъул я,вугана
Икl пакв-паквана...
Жагъатlа,лугьузни
Са затlар,къвекъвезва
Абур-бакина...
   Аквазни,сад-садаз
Акси тир гьалар,
Битавни катна зи
Къетнен хиялар...
Вилиз аквазвайди
И уьмуьр тир-мад,
Гьар йикъан яшайиш,гьамишан-
Туькьуьл гьакъикъат...
   Стол,компютер,
Жибиндин телефон...
Хъецик галайди-
Къаннисад лагьай век.
Килигиз куьчейриз,
Акъвазнава зун-
Дакlардин вилик.
Чими кlвал,чими тан-
Къай ква хъецик.
Амма хьи...гьакl ятlан
Секин туш гьич-рикl.