За лугьудач гьич садазни-чара чlалар чир мийир,
Гъуьлягъдинни чlал чир хьунухъ квайди я са хийир.
Чарасуз тир шартl я,амма: жуван дидед чlал чир хьун,
Дидед чlал чаз чизаваштlа-кепекдай туш чи рахун.
Хайи чlалал рахаз регъуь жедай касар вуж ятlа-
Лагь,квез дидед чlал рахункай,икрагьдайди вуч ятlа.
Са пир хьтин,дидед чlалаз,кlанда чуна,икрамна,
Ийизвачтlа-а дидейри чаз гайи нек гьарам я!
Са чара чlал,куьне гьикlа,дидед чlал хьиз,кьада-лагь?
Къачу жедан гьил,икl регьят,жуван дидед чlалалай?
Мегер маса дидедин чlал жувандилай азиз ян?
Чараданди артух хьана,жуван диде агъуз ян?
Дидедин чlал
© Copyright: Намик Фарзалиев, 2017
Свидетельство о публикации №117022304140
Свидетельство о публикации №117022304140
Рецензии