Кьанцlур

Ша дустар, квез акъайин са агьвалат,
Белки куь цел амукьайт1а саламат,
Са кардал зун хьанай зурбаз аламат-
Акур чlавуз цел фейивал цаварай.

Мекьи, куьруь са югъ; вахтни нисин тир,
Хзан вири к1ват1 хъхьана - гешин тир,
Суфрадални алайди са кьешин тир,
Каш рахазвай вирибурун ратара.

Ацукьнавай вири к1вале, эл хьана,
К1валевайди кьанц1ур авай цел хьанай,
Садаз им хъвер, садаз имай шел хьана,
Ачухнавай къани к1валин рак1арар.

Лавашни кьанц1ур са кьадар ширин я,
Виридалай т1ямлу шени кьешин я.
Хъут1уьнди кьанц1ур, гатунди ч1ерхин я,
Афардал рик1 алайди я гатфарар.

Пичина ц1ай, къулал алай лавашар
Агакьзавач суфрадив, куьн тамаша:
Ин хьана са тарап-туруп, тарашар,
Недай зат1дин квахьай ч1авуз кьадарар.

Явашдиз рагъ дагъларилай алатна,
Са-сад, са-сад гъетер цавуз акъатна,
Иесидик къалабулух акатна-
Ч1акьвазавай бедендавай к1арабар.

Ац1ай гъуьруьн чувалда гьич рабнамач,
Кьанц1урди к1вал адан лап харап1завай,
Сада мумкин лугьун я, на табзава,
Алакьдат1а жува ая гьисабар.

Лаваш, лаваш лугьуз варзни атана,
Иесиди кьил капашдив гатана,
Ич1и шишел суфрад кьулал вегьена,
Ялав фенай иесидин дамарай.

Хъуткьунна цел гадарна фад дакlардай,
Элкъвез-элкъвез фена ам са чlафардай.
Гьайиф, идаз сад хьаначир хабардай-
Кьанцlурди кlвал акъудда лап къапарай.