ЮЛГЮЛЮ ЭЛЛИМЕ
Макытланы Талипге атайма.
«Мени ариу тау элим» -
Дегенлей тураса сен.
Насып мында келгенинг
Жарыкъ дуниягъа сен.
Сен аллынга баргъанны
Жюрегин къууандырдынг.
Таукеллендирип аны,
Къайгъыладан жапсардынг.
Къарыуунгу аямай,
Ахшы ишле этесе.
Сен, миллетинге жарай,
Къууанч жая, жетесе.
Элинге къайгъыргъан - сен,
Муратларынг толсунла!
Неге да жарагъан - сен.
Умутларынг болсунла!
Къарыусузну жарсыуун
Аласа да кесинге,
Адамланы асыуу,
Къошуп берсин эсинге!
Игилени жоругъу
Айландырады тирмен.
Санга адам жолугъуп,
Билмейме, мудах келген.
Жууукъ, узакъ да билген,
Намыс берген эм сюйген
Къарындашым, мен санга
Этеме кёп алгъышла.
Тилейме узакъ ёмюр,
Насып, къууанч да кёре,
Минг жылланы жашап тур!
Тауда ариу жашау къур!
Байтугъанланы Исмаил
Моему односельчанину
© Copyright: Исмаил Бейтуганов, 2017
Свидетельство о публикации №117021911705
Свидетельство о публикации №117021911705
Рецензии