Варз атайла, дагълар шехьиз,
Акваз зи накъвар.
Вун галачиз, чан акъатиз,
Физва зи йикъар!
Вучиз вун заз масан язва,
Вучиз вун - дарман?
Рик1ин къене дерт авазва,
Куьтягь тежер ван!
Циф атайла, гъетер шехьиз,
Гар акурла - сел.
Хуравайди амач михьиз,
Дамахда за квел?
Вучиз рик1 таз сефил на зи,
Вучиз квахьна вун?
На ялгъузна, хьана рази?
Кьве пад хьанва чун!
Цуьк акъатай чуллер шехьиз,
Акьурла ва рагъ.
Авахьзава нур гуз чилиз,
Зи са рик1ин навгъ.
Зи са рик1ин навгъ
© Copyright: Назиль Махмуд 76, 2017
Свидетельство о публикации №117021805098
Свидетельство о публикации №117021805098
Рецензии