Шамиль, х1яб шалабираб

ШАМИЛЬ, Х1ЯБ ШАЛАБИРАБ

СЕН КЬУТ1КЬУТИ ХАБУРТИ
ИРГЪУТИРА НУШАНИ?
Х1ЯБРА УРК1И БЯЧЕСТИ
САР ДАШУТИ КЬАДУРТИ.

УРК1ИЛА Г1ЯМАЛБУИ
ЧАРХЛА АХЪРИ БИТ1АХЪИ,
СЕН ЯЗИХЪВИРУСИРА
ИНСАН ЧЕВСИ АЛЛАГЬЛИ?

ШАМИЛЬ, Х1ЕЛА ХАБАРРА
Т1ИНТ1ДИУБ Г1ЯРАСАЙСИ,
СЕН ИЛЦАДА ХАЛАСИ
БАК1ИБСИВ КЬАДАР ВАЙСИ?

ДУНЬЯ МАБУЪ ДУРГЪБАНИ
ГЪЯТ1АРБУКЬЛА БОТЛИХЛИ,
КЪЯБАИБ Х1ЕЛА Г1ЯМРУ,
УЦАХЪИРИ Х1ЯБЛИЗИ.

Х1ЕЛА БУХЪНА БЕГ1ТАЧИ
УРК1ЕЦ1И Х1ЕВКЬУНТИРИВ?
БАЛАГЬ БАК1ЛА ДУШМАНТИ
ДЕЦ1 АГАР НАЖАСУНИ!

СЕ ВАЙСИ БАРИБСИРИВ
ДУНЬЯЛИЧИБ ШАМИЛЬЛИ?
ДЯВ Х1ЕБИАХЪЕС ИЛИ
АХ1ЕНРИВ ГЪАРИ Т1АШСИ?

СЕРГОКЪАЛА РАЙОНРА
ХУМАРБИУБ ДЕЦ1ЛИЗИБ,
КРАСНОПАРТИЗАНСК ШИРА
БИСИБИИБ КЬУТ1КЬУЛИ.

Х1ЕЛА ХАЛАЛ УЗБАЛА
Г1ЯШДУЦАХЪИБ БУРГИРА,
Х1ЕЛА ЖАГАЛ РУЗБАЛА
ДИСАНДАРИБ Х1УЛБИРА.

ГАНЗИ БУЦИБТИ УЗБИ
БИСАНИ К1АНТ1БИК1УЛРИ,
Х1У Х1ЯРИ КАРХЬУХ1ЕЛИ
УЗБИ САБРИ КЪАРШИЛИ.

Х1ЕЛА АВАЛ РУЗИЛА
САБРИ БУИ Г1ЯМАЛРА ,
Х1У Х1ЯРБАЗИ ВАТУРЛИ
БУЭС БИРХ1ЕБИРУТИ.

ШИРА ХАЛАЛ РАЙОНРА
БИЦ1ИБТИ ЮЛДАШУНРА,
ЖИКЬИ АГАР ДАЛАЙВАН
САБИ НАЗИКБИУБЛИ.

Х1ЕЛА ДУС БАЯХЪАЛА
РИУБСИРИ ЭЛЬМИРА,
КАЛУН Х1ЕЛА ДЯХ1ЛИЧИ
Х1ЕРРИЗЕС Х1ЕБИКИЛИ.

ШАМИЛЬ БАЛУЛРИВ Х1УНИ
ЛЕРНИ Г1УРРА ДУХУРИ?!
САРИ ХАЛАРАИЛИ
СУАЛТИ ДАХЪДИК1УЛИ.

Х1ЕЛА СУРАТ АХ1ЕНСИ
ЧУЛИ СИПАТ Х1****А,
СУРАТЛИЧИЛ КАСИЛИ
УРК1ИЛА БУРЦУ СИПАТ.

Х1ЕЛА КЪУГЪАЛ САЛИМАТ
Х1ЕЧИЛА ДЕЦ1 БИХУЛИ,
ДУРК1УЛИ САРИ ЛЕРИЛ
Г1ЯМРУ ТАЛИХ1 АГАРТИ.

Х1ЕЛА РУХЪНА АБАРА
АВРИК1АР ХЬАНЦ1ИЛ БЕЦ1ВАН,
Х1ЕЛА УХЪНА АДАРА
ВЕРЦ1ИБ КАРИЛАБ КЬАЦ1ВАН.

ЛЯЖУБАЧИРАД САРИ
НУРГЪБИРА ГЕРДИК1УЛИ,
ИЛ Х1ЕЛА САЛИМАТЛА,
САБИ УРК1И БЕРЦ1ИЛИ
ЧАРХ БИЦ1ИБТИ АНЦ1КЬИЛИ.

Х1ЯБЛИЗИВ ВАИАДЛИРА
ХЪУЛИР САР СУРАТУНИ,
Х1ЕЧИЛА ПИКРУМАЗИБ
САБИ Х1ЕЛА АХ1ЕРТИ.

СУРАТЛИЗИР КЪУГЪАТИ
РАЗИТИ Х1ЕЛА ДЯХ1РА,
Х1ЕЛА ДИГУЛ ХЬУНУЛЛА
САБ УРК1ИЛАБ ЯНИРА.

УРКЬЛАЙ АГАРСИ ХЪУЛИВ
УСЕН ШАМИЛЬ, ПАРГЪАТЛИ,
УНЗА АГАРСИ ХЪУЛИВ
КАЛЕН ШАМИЛЬ, АЗАДЛИ.

Ц1ЯБСИ Х1ЯБЛАВ ВИАДРА
ГЬАНМАБИКАБ Х1ЕД ДУНЬЯ !!!
Х1УГЪУНТИ БУРГАР ИЛАБ
ЮЛДАШВИКИ ИЛДАЧИ!!!