Посвящается Фариду и Рашиду, погибшие автокатастро

Жаль, что жизнь рвется/
(Г1ЯМРУ КЪЯБДЕРДИБ)


Вайси хабарла аргъес
Х1ябилра вайсира леб,
Михъирлабси урк1ира
Баргбердес х1ядурли леб.
Бак1иб халаси балагь
 ИК! Ц1ухтала  шиличи,
Ца хъули хиб к1ел ганзи
Чархлизи къизиб занзи.

припев:
Г1ямру къант1ти урдухъун
Сурратгъуна, Фаридла!
Г1ямру хапли къябдердиб
Мургьигъуна, Рашидла!
Ц1УДАР Г1ЯНЖИЛА Х1ЯБЛАР
ДУСЕНАЯ ПАРГЪАТЛИ!
ДИХ1УРАЯ УРК1ИЛАР
Х1УШАЛА Г1ЯЗИЗТАНИ!

Ц1ухтала дубуртира
Дисутин гьанарулри,
Дубуртачир арцанти
Ц1умличил ласдик1улри,
Дуц1арти  ц1а алкахъун
К1елра нешла урк1бази,
Чула иштях1 бетахъиб
Х1ербиэс дуньяличи.


ГЬАРАХЪЛИБАД БЕБК1АЛА
ХАБАРЛАРА МАБАК1АБ-
РАХЛИ БАК1ИЛИ Г1ЕРГЪИ
БИХ1ЯХЪЕС АХЪРИРА ГАБ.
 УРКЬЛАЙ АГАРСИ ХЪАЛИ
САБ ШАЛАЛИ УРБУХЪАБ!
УНЗА АГАРСИ ХЪАЛИ
САБ ГЬАРЗАЛИ УРБУХЪАБ!

Бишт1аси, Ц1ухтала ша
Халасири бак1ибси,
Къиян балагь ва анц1кьи
Дях1чидизурти марли.

Машинани чарх делкьун
Фаридла ва Рашидла,
Чучил бархти г1уррара
Барх арбякьун ц1яб х1ябла.

Х1ябра кьут1кьуси кьадар
Бак1ахъиб чев Аллагьли,
Х1ябилра кахси хат1а
Бях1чибизур дурх1начи.

Марайбариб гъамтира
Пашманбариб шантира,
Фаридла дудешла х1ер
Шявбиахъуб нургъбани,

Илди жагал г1ямручил
Х1ярикаркьес уршира,
Маркьаб г1язизси нешли
Я амайкьаб дудешли!!!!!