Ваз акурди тек са - зи руьгьдал тIапIар…
КьатIанач дердерин жигъирар ина.
Ам патал хазина - рагъ къведай дакIар,
За вуч хиялзава, вун куь дердина?
КукIушар канзавач заз шаирвилин,
РикIин сузаяр я кхьизвай цIарар…
Килиг, агакьнава рехивал кьилин,-
КичIевал яни заз саврухар, гарар?
Зи руьгь - сирерикай мугдай хуьшрекан,
Зи руьгь - хважамжам, ава гьар са нав!
Садра къайи жедач ргазвай вулкан,-
ЦIаяри алугда - агатмир патав…
Зун азад са лекь я - сувун романтик-
Белки им бахт я са, белкини жаза…
Кутаз канивилин байихар рикIик,
Гьиссерин алемда сирнавзава за…
05.02.2017г.
Зи руьгь...
© Copyright: Билал Адилов, 2017
Свидетельство о публикации №117020604229
Свидетельство о публикации №117020604229
Рецензии