Агаж хьана са резин хьиз,цавун къав,
Дегиш хьана ранг,акьалтна чlулав тав.
Карагзавай хъен хьиз,цифер кlватl хьана,
Къукърумариз,цаварин дакl агъвана.
Мичlи хьана са легьзеда,цавни чил,
Кьатlудай кьван,гужуналди-вили вил.
Са куьхъ ятlан экъвез саки,гарари
Къув ягъана-багъда,чуьлда,тарари...
Гьавад чинай авахьдайди агъу тир,
Азгарвилер амач,къетнен-агъур тир.
Саки эхир агакьнавай,дуьнедин,
Хкатиз тир даях,цавун бинедин.
Пад хьана къав,ргана цав,хъитlкьинна,
Марф акатна-цавар,чилер эхъуьрна.
Цавун виляй сел хьиз,накъвар авахьна,
Дерт лагьана,рикl ичlирна-ахьлагьна.
Мадни ачух хъхьана чин-цаварин,
Хтана мад нубат-секин чlаварин.
Цаварин шел...
© Copyright: Намик Фарзалиев, 2017
Свидетельство о публикации №117020303414
Свидетельство о публикации №117020303414
Рецензии