Къацу багъди ширин рахаз,
Билбилди хьиз гумир на наз.
Катмир закай яргъаз, акъваз:
Зун ваз мугьман хьанва, гуьзел!
Чlулав вилер, ч1улав кифер,
Заз акур туш икьван иер,
Ачух ийиз рик1ин сирер,
Зун вал гьейран хьанва,гуьзел.
Акур ч1авуз ви буй-бухах,
Дертлу хьанай, ийиз суракь.
Заз килиг мийир гваз дамах:
Вун заз масан хьанва, гуьзел.
Чуьнуьхай рик1 хьанва сефил,
Хамир, азизди, зи гуьгьуьл,
Сеймиш сес гужлу билбил,
Вун заз лукьман хьанва, гуьзел.
Гуьзел
© Copyright: Магомед Мирзоев Мирзой, 2017
Свидетельство о публикации №117020312475
Свидетельство о публикации №117020312475
Рецензии