Вучиз вуна темен гана сифте заз?
Рик1ин къене чуьнуьх хьанвай ц1укариз
Ялавгана нефесдив на сифте яз,
Гила вучиз катна закай яргъариз?
Сифте ст1ал аватайхьиз сегьрадиз
Сифте темен мадар хьана зи чандиз.
Ст1алри чуьл элкъуьрзава дерядиз,
Бес вуна зун вучиз туна явандиз?
Вучиз вуна темен гана? Секиндиз
Са легьзеда зун жувавай къакъудна,
Лук1 авуна закай сефил йитим хьиз,
Зун тандихъ ваъ, ви эхъендихъ агудна.
К1вачер къана, гъилер къана, гьич вакай
Эй бивафа, йисар фейт1ан рик1 къанач!
Са темендив руьгь къакъудна на закай,
Вучиз вуна темен гана, рик1 ганач?
Вучиз вуна темен гана?
© Copyright: Шахмардан Арран, 2017
Свидетельство о публикации №117013010375
Свидетельство о публикации №117013010375
Рецензии