Акьалурла, кьве вил жуван,
Карагда хьи чи булахар.
Квар кьадай за къуьнел чапла,
Уна фидай зун дамахар.
Билбил рахаз авахьда ам,
Хтар хьиз лап нур гуз хар - хар.
Ягъада квез ада макьам,
Рик1из к1ани, ви чан къугъар.
Гьикьван къайи пак булахар,
Авахьзава чи дагъларай.
Вил гала зи, я чан вахар,
Хъвадай яцихъ, чи архарай.
Михьи гьава, нефес кьадар,
Цуьк акъатай чуьллер, багълар.
Ргазва зи рик1ин дамар,
Карагиз чи саф булахар.
Дарман патал хъвадай за фад,
К1уф эцигиз кьадай хабар.
Женнетдай вун къвезвани яд?
Я тахьайт1а, им я ахвар?
Карагзава чи саф булахар
© Copyright: Назиль Махмуд 76, 2017
Свидетельство о публикации №117012209270
Свидетельство о публикации №117012209270
Рецензии