Къурбатар экъвена,нубатдин сефер,
Бубадин юрдунал хтанва зун мад.
Куьчедин ракардал ама са тегьер,
Хьахьиз жезвач гъенез,метер жезва къат.
Белки амач,лугьуз,хьанва зун гъалат-
Са умуддин цlверекl кузва зи къене.
Белки зун ксанва-туш им гьакъикъат,
Ахвара аквазва заз хайи гъенер!?
Белки жеда,лугьуз,аламатдин кар,
Умудни ква зак,кичlени я заз.
Ахъайда,ингье,за-куьчедин ракар,
Экьечlда зи вилик диде,хъвер галаз.
...Амма хьи,гьич жезвач суьгьуьрдин кlвалах,
Гъен биши,кlвал биши-са ванни авач.
Вилиз аквазвайдан,рикl жезвач чlалахъ,
Алкlана ама зун,вегьи тежез,кlвач.
Дидедин верци ван гьизвач япариз,
Ишелин кlватlуни ава багъмишиз.
Килигиз ама зун гъенез,ттарариз-
Дидедкай хкатай гъвечlи цицlиб хьиз.
***
© Copyright: Намик Фарзалиев, 2017
Свидетельство о публикации №117011907827
Свидетельство о публикации №117011907827
Рецензии