Цифер гъиляй, цавай гъетер аквазмач,
К1вале кисна , я ван, ахвар амазмач.
Зи рик1 квахьна, вилериз экв ахквазмач.
Вучрай гила, куьне лагь заз, я эллер!
Дагъларавай, векь кьурана кьец1ил я,
Чанда авай гафар квахьна, кьезил я.
Муьгьуьббатди кана зун лап , сефил я.
Вучрай гила, куьне лагь заз, я эллер!
Ава гила, квахьна мецен ширинвал,
Амач гьуьрмет, к1анивилин деринвал.
Фикир гузва, к1ани рек1ин серинвал.
Вучрай гила куьне лагь заз, я эллер!
Ик1а уьмуьр фена гила акъатда,
Чанда авай аманат руьгь аватда.
Беден ц1(у)раз, лап кьурана агатда,
Рахуникай мад дад амач , я эллер!
Цифер гъиляй, цавай гъетер аквазмач
© Copyright: Назиль Махмуд 76, 2017
Свидетельство о публикации №117011512390
Свидетельство о публикации №117011512390
Рецензии