Кьуьзуь са ттар ала,дуьздин кьулал,тек,
Чара мад гьич кулни галач патарив.
Хьанватlа секинвал,са теквал-герек?
Яхуд са чара сирр ава и ттарциз?
Пешерни юзазва,акьаз хъуьтуьл гар,
Къерехдай бахтавар хьиз-я ам акваз.
Белки вичинбуркай катзава и ттар?
Белки къалабулух рикlиз я,кlамаз.
Гьич чlалахъ туш-адаз кlандач,жен тlама,
Тежен ам гьич цlигел,авладрихъ вичин.
Низ чидач,теквалин пара я,гъамар?
Мумкин туш,элдикай икl элкъуьра,чин?
Са тlимил анихъди рук я-бес вучиз,
Алама ам инал,теквал дуст кьуна?
Хъфиз кlанз,рекьизва ам,руказ-заз чиз,
Де ша жезвач адвай,хайи чил туна.
Ялгъуз ттар
© Copyright: Намик Фарзалиев, 2017
Свидетельство о публикации №117011304302
Свидетельство о публикации №117011304302
Рецензии