Вахъ вил галаз атайла зун ви к1вализ,
Залан гафар на лагьанай зи рик1из.
Аватай хьиз хьанай зун лап суруз кьван,
Гатаз къвазна, мет1ер ягъна, зун чилиз.
Ван къачуна цаварини, чилери,
Т1ал къачуна вуна кайи хирери.
Т1урфан гьатна, барбат1 хьанва хьи зи чан,
Рик1 ац1урна зи накъварин вирери.
Уьмуьр фена, баят хьанва гила чи,
Рахар гафар амач гила заз михьи.
Вуч тади кваз катзава вахт! Агь, аман
Гьиссзамач зи я жегерди , я рик1и
Рик1 ац1урна зи накъварин вирери
© Copyright: Назиль Махмуд 76, 2017
Свидетельство о публикации №117011111344
Свидетельство о публикации №117011111344
Рецензии