ХХХ
Къачалмай келеме жерде амандан,
Бугъалмай келеме жерде харамдан.
Жокъду мадар къачаргъа даудан,
Аланы излейди адам адамдан.
Тас болгъанды жюрекледе ийманлыкъ,
Жюреклени алгъанды заранлыкъ.
Къурусун жер башындан аманлыкъ,
Этмесин адам адамгъа хаталыкъ.
Динибиз юйретмейди ёлтюрюрге,
Салады тюз жолгъа, игиликге.
Элтеди инсанланы жигерликге,
Халал, таза болургъа бир-бирге.
Ачыкъ болсунла адам жюрекле,
Сукъланырча бизни кёргенле.
Динибизге къаты болайыкъ,
Аны тюзге санайыкъ!
Байтугъанланы Исмаил
***
© Copyright: Исмаил Бейтуганов, 2017
Свидетельство о публикации №117010808285
Свидетельство о публикации №117010808285
Рецензии