ЭЛИМИ ЁХТЕМЛИГИ
Макытланы Элдаргъа (Муссагъа) атайма.
«Миллетим, журтум, элим…» -
Деген халкъ адамыса.
«Айнысын мени жерим!» -
Деген халкъ уланыса.
Элни мурдор ташыса,
Кёкге учар къанаты,
Игилени башыса,
Игиликге атлатыр!
Сен аллынга баргъанны
Мудах этип келмединг,
Артда уюп къалгъанны
Къолгъа алдынг, иймединг.
Ушап керти таулугъа,
Чомартса эм халалса,
Аллах берген саугъагъа,
Сен бир алтын адамса!
Тилейбиз санга насып,
Таркъаймазлыкъ кюч-къарыу.
Ажашып къайгъы, жарсыу,
Минг жылла жаша ариу!
Аллах берсин кёп саулукъ,
Бек сюйген ишинг болсун!
Сенден кетмейин монглукъ,
Арбазынг нюрден толсун!
Байтугъанланы Исмаил.
Хайт деген улангъа
© Copyright: Исмаил Бейтуганов, 2017
Свидетельство о публикации №117010808270
Свидетельство о публикации №117010808270
Рецензии