Нилъер г!олохъаби муг!рул бисалин,
Данде ккун рехсола коч!ол мухъазулъ.
Нижер кьибилалда кьварараб лачен,
Кьурулчан мун г!едал йоххун йиго дун.
Хъах!илзоб гвангъизе бакъул ч!ор г!ола,
Г!елму щулалъула мутаг!илзабаз.
Иман исламалъул мух!канаб бок!он,
Кьурулчан вук!иналъухъ ч!ух!ун йиго дун.
Ц!умал роржанхъулеб муг!рузул Ват!ан,
Мун г!адиназ гурищ т!егьазабураб.
Т!огьол байдабазда бижараб Гьандихъ,
Г!елмуялъ гуребищ ц!ар т!ибит!араб?
Ц!але адал,ц!але Кьурулчан г!елму,
Г!алимчи вахъине росу ч!ух!арав.
Босе месед, босе дуй кьураб лъайги,
Лъезе бак! лъуг!ани гьабилин сабаб.
Кьурул чан
© Copyright: Аминат Максудова, 2017
Свидетельство о публикации №117010804043
Свидетельство о публикации №117010804043
Рецензии