Гарадзеншчына
Дзе Зяльвянка, Свіслач з Россю,
Шчара, Молчадзь з Лебядою,
Котра з Гаўяй ды Дзітвою,
Быццам сёстры-прыгажуні
Бацьку Нёман агарнулі.
І ад іх жывой вадзіцы,
Як ад феі-чараўніцы,
Утварылася прыволле
Ў Гарадзенскім наваколлі.
Тут шумяць лясы, дубравы
З разнаквеццем, разнатраўем,
І зямля багата родзіць
Ў кожным садзе, агародзе.
Бусел белы, бусел чорны
Гнёзды ладзяць на прасторы,
А звяры вандруюць смела
З Налібок да Вежы Белай.
Тут жывуць у ладзе, згодзе,
Ў гонар маючым народзе,
Са сваёю мовай, верай
І татары, і яўрэі,
І палякі, і літоўцы,
Беларусы… Ды бясконца
Пералік так можна весці
Пра багацце цуда-весяў
На межрэччы Панямоння,
Дзе жыву шчаслівы сёння.
…Гарадзенскі край радзімы,
Быццам маці, ты адзіны!
Свидетельство о публикации №117010102282
Ядвига Довнар 08.09.2017 22:51 Заявить о нарушении
Николай Пасеев 09.09.2017 08:44 Заявить о нарушении