Рекъе гьатна мад чи патаз,
Кам са легьзе геже такьаз,
Ингье,ава ракlар гатаз-
Цlийи йис чаз мубарак хьуй.
Вичикни хупl тади ква,
Лугьу жедач-кlвач яваша...
Акваз-такваз уьмуьр физва-
Цlийи йис чаз мубарак хьуй.
Са патахъай ийиз кьуьзуь,
Санхъай гузва гьевес-къизгъин,
Йис цlийи-чун жезва иски,
Цlийи йис чаз мубарак хьуй.
Авай зазни са чlав,са вахт,
Хуьдай вилив,гуьзетиз бахт.
Махарални тир зун чlалахъ...
Цlийи йис чаз мубарак хьуй.
Вафасуз тир уьмуьр акваз,
Мах туширди чир хьана заз...
Мукьва-кьили,дустар галаз-
Цlийи йис чаз мубарак хьуй.
Къвезва цlийи йис...
© Copyright: Намик Фарзалиев, 2016
Свидетельство о публикации №116123104244
Свидетельство о публикации №116123104244
Рецензии